Putra Vhava Aisa | पुत्र व्हावा ऐसा

'सतरा वर्षांचा एक तरुण माय आणि 

मायभूमी यांच्यापासून दूर, एका अनोळखी 

जगात जातो, तेव्हा त्याच्या शिदोरीमध्ये 

बांधलेली असते अपार जिज्ञासा 

आणि अथक ध्यासवृत्ती ! 

आणि मग सुरू होते ज्ञानपंढरीकडे जाणारी 

त्याची वाटचाल... विश्वाची पायाभरणी 

करणा-या मूलकणांची रहस्यं उलगडणारी, 

जणू विधात्याच्याच मनाचा वेध घेणारी 

अशी वाटचाल ! 

अशी वैज्ञानिक वाटचाल करत राहणारा 

डॉ. आशुतोष कोतवाल यानं 

आपल्या उपजत प्रज्ञेला दृढसंकल्पाची, 

चिकाटीची, परिश्रमांची आणि मनोधैर्याची 

जोड दिली. मूलकण-विज्ञान-क्षेत्रातलं 

आजचं त्याचं अग्रगण्य स्थान 

हे जलपृष्ठावर दिसणा-या हिमशिळेच्या 

टोकासारखं आहे. 

त्याच्या यशामागं दडलेली आव्हानं, 

संघर्ष आणि अविचल आशादृष्टी यांची 

ही त्याच्या आईनंच सांगितलेली कथा 

अनेक युवकांना प्रेरणादायी ठरू शकेल.