Chhata Galot | छतं गळोत

श्रीधर देशपांडे यांचं भावविश्व 

कवितेच्या अंगभूत वृत्तींनी व्यापलेलं आहे. 

त्यात स्वगतं आहेत, स्वत:ला पडणारे प्रश्न आहेत, 

असण्या-नसण्यातल्या भीतीचं भिरभिरलेपण आहे, 

जगण्यातल्या विरामचिन्हांच्या नोंदी, प्रार्थना आहेत, 

आटलेल्या मायेच्या स्मृती आहेत - असं बरंच काही आहे. 

कुठल्याही संकटांत प्रेमाचे बंध टिकोत, 

छपरं गळोत; पण पाठीशी भिंत असो 

आणि आटल्या मायेला पूर येवो, 

असं साकडं घालणारी ही कविता आहे. 

या कविता वाचताना आपल्याही मनात प्रार्थना उमटतात.

 ज्यातून शुष्कतेला ओल मिळो, 

घराच्या पायाला नजर न लागो, पक्ष्याला घर लाभो -

असं वाटत राहतं. 

गणेश विसपुते